唔 寫 又 寫
Yahoo 只與 Xuite平台合作。。就可以輕鬆搬家到這裡
如果用其他平台。。就要自食其力
唔 做 又 做
忙中都要抽空試練。。一年長乜都唔記得哂
既然做了,相又影了
搬少一篇得一篇
從新再寫這份食譜
Crispy Custard Moon Cake 脆皮奶皇月餅
食譜 - 可做8個@63g
餅皮材料
有鹽牛油50g、糖霜30g、低筋粉80g、吉士粉8g、奶粉12g、全蛋液10g
餅皮做法
1. 牛油及糖霜放入盤內,用手拌勻
2. 加入已混合的粉類(低筋粉、吉士粉、奶粉),用指尖捽成麵包糠狀
3. 加入蛋液,輕手壓成粉糰,用保鮮紙包起,放入雪櫃冷藏30分鐘
奶皇餡材料
A. 全蛋液25g、蛋黃1隻、砂糖30g
B. 吉士粉25g、奶粉30g、椰奶(漿)37ml
C. 椰奶(漿)37ml、淡忌廉40ml、砂糖15g、無鹽牛油25g
奶皇餡做法
1. 將A、B材料分別拌勻,及兩者混合拌勻
2. 將C材料用細火煮至牛油溶解及微煙冒起,邊煮邊攪拌,倒入步驟1.混合物,拌勻
3. 倒回煲內用中火煮至稠身(可以黏成一團)
4. 用保鮮紙包起放涼後放入雪櫃冷藏30分鐘
5. 用時從雪櫃取出,搓滑
其他材料
鹹蛋黃4個、玫瑰露酒1/2茶匙
(將玫瑰露酒灑上鹹蛋黃上,放入焗爐,以150C焗8分鐘,放涼後每個切開一半備用)
掃面蛋液
全蛋液10g、蛋黃1隻(全部混合)
掃面糖水(1:1份量)
砂糖10g、水10g(全部混合)
組合
用具:63g月餅模一個
1. 將餅皮平均分割成8等份,搓圓
2. 將奶皇餡平均分割成8等份,加入一份鹹蛋黃,搓圓
3. 將一份粉糰放入底面2層保鮮紙中間,用麵棍擀薄,包入餡料
4. 放入已撲有手粉的月餅模內,按平,將模倒轉放在已舖有烘焙紙或膠蓆焗盤上,按壓實定5秒,提起模具把手,再將月餅推出
5. 放入雪櫃30分鐘,使月餅形狀結實一點
6. 平均地噴少許水在餅面上
7. 加多一個焗盤在底,放入已預熱250C焗爐中層,焗3分鐘
8. 取出,掃上2次蛋液,再放入爐,爐火調低至220C,焗5分鐘
9. 將焗盤掉轉方向,調低爐火至180C, 再多焗7分鐘至金黃色
10. 出爐後掃上糖水,放涼,放入密封盒儲存
呢個外星人去左邊呢???
你的新居真係好正,
ReplyDelete唔客氣,食個月餅先,好yummy呀!
多謝您!!!唔使客氣,請隨便吃啦~~
DeleteWow....我終於可以留到言喇
ReplyDelete我想問old居的網誌會再出現在新blog嗎?
要逐篇搬過嚟呀,唔知夠唔夠時間,我真係要搞日本行程
Delete係咪逐篇 (覆印和貼上)呀,我試過唔得呀
Delete係呀要逐篇,因為我唔識用 download返嚟啲資料post返上去,呢啲要專業人任先識做
Delete你試吓點樣唔得呀?因為我第一篇的食譜都係 copy and paste入去, 你要去 yahoo 搵返想要copy嗰篇,入去 edit 模式 copy,再paste落新blog, 有機會字的底色係白色,所以我新blog寫未地方係白色,所以你地睇唔到
如果係相片,最好將yahoo blog上的相先download入自己電腦先,再upload上新blog
謝謝您呀,我再試吓先,之前我係就咁copy,paste落新blog,一陣間就唔見咗
Delete我昨日學您整咗月餅,個個話好食,不過,D花紋化哂,又有裂紋,我已經第一輪用2000c,第二輪用180c,最後用160c,會唔會太低呢?最後要焗多成10分鐘先金黄色,我擺咗上blog,您得閒去睇吓,比D意見喇,謝謝您。
Delete將掃上的蛋液刮刮刮剩得好少先搽上去,不能太多,如果見到有蛋液落左喺花紋的坑度就叫做唔得係太多,咁焗出嚟化哂,以一次搽一個搽一次為準則,全部搽完哂等第一個乾哂先搽第二次
Delete或者焗時改變一吓用220C焗5分鐘, 190C5分鐘,喺最後一,二分鐘搽糖水拎入去焗,希望可以快啲上色,時間縮短左冇咁爆,但出爐後會埋返少少口,因為我個爐又係好難上色,我有時見佢開始爆情願佢唔多好金黃都拎出嚟算, 你再試吓, 或者碎蛋加入餡,咁唔使為左個蛋熟而要長時間,只理個皮,因為一焗埋就會爆
哈哈!一定係搽疍液出問題了,因為我都掃得幾厚,我仲以為咁樣冇咁易有裂紋ma,至於疍黃我今次都係搓碎加入D奶皇度架,我覺得咁好味D咖,我會再整過的,謝謝您的指導。
Delete唔使客氣,大家研究研究....因為掃太多,蛋液都浸哂啲坑填平哂
DeleteHI, 好靚的月餅呀!...有個方法可唔使續篇搬過來喎!
Delete有咩方法呀教吓我,我好頭痛又忙到死死吓
Delete我搞到頭都暈
ReplyDelete衰咩都唔知,
點解我的新居咁樣衰嫁.
加啲野在旁邊,慢慢搵吓,搞搞吓就靚
Delete我試咗你個食譜呀! 但就焗到爆裂囉, 激死!
ReplyDelete咁唔好用咁高火,試220C > 200C > 最後170C 焗3-5分鐘好啦,我都有少少爆,涼一陣就會埋返少少口
Delete好快手, 我仲未整呀
ReplyDelete我都未開始搬呀,逐篇搬先頭痛
Delete我搬0左去 http://alankathy.blogspot.hk/ 記住去個度 message 我,等我可以 connect 返你,keep in touch
ReplyDelete好呀,我地又聚頭
Delete你個blog好靚, d相大大張, 我果d變細左, 字行間又隔到好遠, 我整到一頭煙.
ReplyDelete你整嘅好餅好美味咁呢.
可以整大啲架,當你加左張相後喺張相位置click 1吓就會出左一條bar, 俾你set張相大小左右中間,我啲相set 左x-large, 你試吓
Delete唔該晒, 依家識整喇.
Delete唔使客氣,大家仲摸索緊新 blog
Delete靚blog,靚餅...正
ReplyDeletehey.妳最決定點樣過返啲嘢呀
冇得揀,都係要逐篇搬
Delete好靚
ReplyDelete多謝您!
Deletehttp://crazcats.blogspot.com/2013/09/blogger.html
ReplyDelete如何將舊文搬到Blogger? Ms A在網上揾到以下資料,用過都OK現在同大家分享
入去看看
相搬唔搬到呀?
Delete好靚!我想星期六閞工
ReplyDelete仲有啲問題搞唔到
Delete攪左成個下午先知DD, 唉, 有排適應呀.
ReplyDelete好靚呀, 黎你到食返夠本先.
請隨便啦...我都係得閒執啲得閒又執啲,又要趕住整月餅,有排煩
Delete終於識入嚟啦!
ReplyDelete歡迎歡迎~~等得斟杯茶款待貴賓先,最衰乜得公仔都冇得玩
Delete等我又試吓你個食譜先,我見你個奶黃唔係用蒸既,咁就唔怕太老啦...
ReplyDelete我整到搬家呀,其實都幾容易,唔洗十分鐘就搬到晒,連相都搬到架,我個Blog有教,你得閒過尼睇下 ^_^ http://mycakecats.blogspot.hk/2013/09/blog-post_5.html
我都唔知添,蒸係會老左,味道冇咁好???
Delete唔該哂你呀,你好叻叻,我仲好頭痛唔知點算好
我個新竇http://fungtang1505.blogspot.de/
ReplyDelete我去左你新居啦,我最近都又煩又忙,未有時間睇點搬家
Deleteme tooo
ReplyDeleteHello, how are you?
Delete月餅又出爐啦,你使唔使等佢回油2,3日呢..係咪一定要架?
ReplyDelete旅遊愉快!
中式月餅先要等回油,脆皮唔使呀
Delete好掛住你呀!
ReplyDelete我搬左去呢度先啱呀~http://terrymabonnie.blogspot.com
收到
Delete多謝妳的食譜!我今天做了二十四個。非常好味!!:)Thank you so much ^_^
ReplyDelete你啱食就好喇~
Delete嘩, 見到都好想食........
ReplyDelete雖然我咩都唔識, 但都好想買個焗爐返屋企整下野食呀~~~~~
整整吓就識就會好叻叻架啦
Delete月餅好靚呀!我冇整到,食番個先!
ReplyDelete我都搬左新居喇,得閒黎探我呀!
收到
Delete雖然我停寫網誌但會繼續嚟探你!
ReplyDelete多謝你呀,我都開始懶寫blog,希望重拾我的懶惰
Delete您好,第一次来到您家,很开心看到你的分享。谢谢你。
ReplyDelete这个食谱就让我记录起来吧!明年才作了。 :)
祝福你,中秋节快乐。
多謝你到訪,試左話我聽如何
Delete我都有試呢個食譜呀!真係唔錯,好多謝你既分享,祝你中秋節快樂!
ReplyDelete多謝你
Delete中秋節快樂!
ReplyDelete你真係好勤力寫寫寫,我懶呀
DeleteHello! 好耐無現身, 你好嗎? :) 我終於去完旅行開始回魂嘞! 仲未得閒搬Blog, 不過見個個都開Blogspot, 我又開番個跟大圍啦, 暫時仲係空殼一個, 要慢慢螞蟻搬家啦...
ReplyDelete我唔搬啦,有新野先upload,啲舊野有啲都改過,仲沿用的可能再做再post新的
Delete好開心呀!我揾到你啦!!!
ReplyDelete我懶左幾個月,仲未歸位,你幫我作吓法...哈哈
Delete整得好靚.
ReplyDeletewow超勁,其實我想問有沒有南瓜餅ge食譜ah?我個fd想整
ReplyDeleteConnie 你好!
ReplyDeleteSeeWide特搜網是一個全新互動生活分享平台
收集所有講玩、講食、講遊樂、講扮靚等文章,讓你和不同會員互動
更設「稿費」制度,文章獲得本地瀏覽量,即可兌換稿費!
迎新推廣,每100本地瀏覽量,可獲高達HK$1稿費,
詳情可參閱:http://www.seewide.com/space.php?do=help&essay_id=22#001
同時,只要你有Yahoo! Blog備份檔,你可把它電郵給我們
匯入後,更可獲得現金券作即時獎賞!
詳情可參閱:http://www.seewide.com/space-article-id-4103.html
為慶祝SeeWide新登場,現時更有各式各樣迎新優惠,大派現金券!
你有興趣嗎? 不妨到此一遊,一同分享生活經歷吧!
http://www.seewide.com
終於搵翻你喇,我的新家http://emilychoy.blogspot.sg
ReplyDeleteThis comment has been removed by the author.
ReplyDelete我想問用乜奶粉整月餅
ReplyDelete